Ardingly Astana жобасы туралы жаңартылған ақпарат
«Ardingly Astana» ЖШС «Британдық білім беру моделіне негізделген жекеменшік күндізгі және пансиондық мектеп салу» жобасының іске асырылу барысы туралы жаңартылған ақпаратты ұсынады.
2026 жылғы 30 қыркүйектегі жағдай бойынша, жоба бекітілген жұмыс кестесіне сәйкес жүзеге асырылуда.
Құрылыс жұмыстары аясында, төменде көрсетілген негізгі кезеңдер толықтай аяқталды:
- дайындық жұмыстары;
- нөлдік цикл жұмыстары;
- монолитті құрылыс жұмыстары;
- қабырғалар мен арақабырғалар тұрғызу;
- шатыр орнату және металл конструкцияларын монтаждау;
- терезе конструкцияларын орнату;
- алаң ішінде желілер жүргізу;
- қасбет жұмыстары;
- материалдық жарақтандыру жұмыстары.
Ішкі әрлеу және аумақты абаттандыру секілді жоба аясында жүзеге асырылып жатқан жекелеген жұмыстар аяқталу үстінде.
Жаңа кампус құрылысы Ardingly Astana жобасының маңызды кезеңі болып саналады және халықаралық стандарттарға сай заманауи білім беру ортасын қалыптастыруға мүмкіндік береді.
Жоба шеңберінде заманауи оқу бөлмелері, STREAM зертханалары, шығармашылық студиялар мен заманауи спорт нысандарын қамтитын кешенді білім беру инфрақұрылымын құру көзделген. Кампус тұжырымдамасы мен болашақ білім беру ортасының негізгі элементтері жобаның көрнекі материалдарында көрсетілген.
